Vashat e Kosovës pësojnë thellë nga Luksemburgu

Pas fitores historike, vashat e Kosovës kësaj radhe pësuan thellë ndaj Luksemburgut.

Luksemburgu e mposhti Kosovën me rezultat 65-94 dhe kjo u regjistrua si humbja e parë në historinë e Kosovës te femrat.

Sikurse në ndeshjen e parë, edhe në këtë ndeshje pikët e para të Kosovës erdhën nga Arbnore Përquku, por më pas kontrolli i ndeshjes kaloi dalëngadale te Luksemburgu dhe duke thelluar epërsinë Luksemburgu arriti fitoren e parë në Grupin B.

Catherine Mreches me 26 pikë ishte më e mira te Luksemburgu, kurse te Kosova u dalluan Alexis Tolefree me 23 pikë dhe Arbnore Përquku me 10 pikë.

Kosova tani ka 1 fitore e 1 humbje në Grupin B dhe do të përballet me liderin e Grupi A, ku do të caktohet pas ndeshjes së nesërme në mes të Maltës dhe Irlandës.