VUSHTRRIA - VËLLAZNIMI
Vëllaznimi në ndjekje të kreut
2 December, 2018 @21:58
Skuadra gjakovare, Vëllaznimi, e kaloi pa problem pengesën e Vushtrrisë, duke e mposhtur kundërshtarin me rezultat 66-88.
Atik Koshi formën e tij vazhdoi edhe në këtë ndeshje. Koshi ishte më i miri i skuadrës me 25 pikë, 7 asistime e 6 kërcime, derisa u ndihmua edhe nga amerikani Robert Clypool me 21 pikë e 7 asistime dhe nga Ardit Memqaj me 13 pikë të tjera.
Te Vushtrria më i dalluari ishte Baton Dervishi me 19 pikë e 7 kërcime.
Vëllaznimi pas nëntë xhirove të zhvilluara pësoi vetëm një herë nga lideri Feronikeli, derisa arriti t’i fitojë të gjitha ndeshjet deri më tani, kurse Vushtrria ka bilanc prej 2 fitoreve e 7 humbjeve.
