Veseli pritet të mungojë edhe në ndeshjen e radhës

Pas lëndimit të pësuar mbrëmë në ndeshjen e parë të serisë gjysmëfinale të PlayOffit, basketbollisti i Yllit, Alban Veseli, pritet të mungojë edhe në përballjen e radhës.

Në një bisedë ekskluzive që TopSporti.com e zhvilloi me Veselin, ai ka bërë të ditur se do të mundohet të jetë i gatshëm së paku për lojën e tretë, pasi që rikthimin për ndeshjen e dytë duket se nuk do të ndodh.

“Nuk besoj që do të jem i gatshëm për lojën e dytë të serisë. Por, shpresoj që gjithçka të jetë në rregull për të dielën, kur pritet të zhvillohet loja e tretë e serisë,” ka bërë të ditur basketbollisti i Yllit, Alban Veseli.

Shiko: PLAYOFF SKEMËN

Veseli dje u desht ta lë lojën pas vetëm 3 minutave e 50 sekondave të kaluara në parket për shkak të lëndimit, ndërsa ekipi i tij Ylli u mposht nga rivali Rahoveci 93-96 në një ndeshje tepër të mirë dhe luftarake në basketboll.

Ylli do të jetë nikoqir edhe në ndeshjen e dytë të serisë, pasi që gjysmëfinalen luhen me sistemin 2-2-1. Dhe për ndeshjen e tretë të serisë nikoqire do të jetë palestra Mizahir Isma në Rahovec. Ekipi që së pari arrin tre fitore, plasohet në finale të PlayOffit.