GRANIT RUGOVA - PARA NDESHJES
BOROZANI/D.S.
Vështirë, por kërkojmë t’ia dalim
8 February, 2016 @19:52
Basketbollisti i Bashkimit, Granit Rugova, është shprehur se ekipi portokallezi është i gatshëm të përballet me rivalin e vështirë, Mornarin, nesër në Tivar.
Ai ka folur për faqen zyrtare të Federatës së Basketbollit të Kosovës (FBK) dhe ka bërë të ditur se Bashkimi është i gatshëm, përkundër se rivali është ndër më të fortit në Grupin C.
“Na pret ndeshje e vështirë. Mornari ka ekip shumë të mirë. Mirëpo, ne kemi ardhur të përgatitur dhe do të mundohemi që të triumfojmë, pasi që me Teodon na iku humbja në fund,” ka thënë Rugova 30 vjeç.
“Besoj se me mbrojtje të fortë dhe sulme të shpejta të arrijmë synimin. Ne jemi komplet. E dimë se është vështirë, por kërkojmë të dalim me rezultat të favorshëm nga kjo ndeshje,” ka shtuar ai.
Bashkimi luan ndaj Mornarit në përballjen e dytë të tij në Grupin C, ndërsa ndeshjen e parë e humbi nga Teodo në fund të ndeshjes.
Mornari ende nuk ka zhvilluar asnjë ndeshje në fazën e dytë, ndërsa ka qenë ekipi më i mirë i Grupit A në fazën e parë të BIBL.
