NË SHKODËR
Foto: botevgrad.com
Vllaznia angazhon Seth Jacksonin
5 January, 2017 @14:09
Përforcimi i radhës nga ekipi kampion i Shqipërisë, Vllaznia e Shkodrës, është amerikani Seth Jackson.
Një vjet larg basketbollit profesionist, pasi u largua nga Balkan Botevgrad për shkak të performancave jo të pritura, Jackson ka fituar edhe një rast për t’iu kthyer basketbollit dhe këtë ia ka dhënë ekipi shkodran.
Jackson herën e fundit si pjesë e Balkanit ka pasur mesatare prej 5.6 pikëve, 1.6 kërcimeve dhe 0.6 asistimeve për ndeshje ku si mesatare ka pasur 9.7 minuta, ka bërë të ditur botevgrad.com sot.
Seth Jackson 23 vjeç te Vllaznia do të takojë bashkëkombasit e tij Darryl Palmer dhe Joshua Freelove, që u angazhuan në Vllazni ditë më parë.
