Waller, për herë të parë më i miri i javës

Ish basketbollisti i Sigal Prishtinës, që këtë stinor luan për Bashkimin e Prizrenit, Tay Waller, për herë të parë këtë stinor ka fituar epitetin e lojtarit të xhiros në kuadër të BIBL. 

1. Tay Waller (KB Bashkimi, Prizren)

Waller ka pasur një paraqitje shumë të mirë individuale në përballjen e fundit të Bashkimit, të cilën ekipi i tij e humbi nga Teodoja në sekondat e fundit të ndeshjes, dhe ka arritur të merr çmimin e lojtarit më të mirë të javës, sipas Eurobasketit. 

22 pikë, 4 kërcime, 4 asistime, me përqindje 75% të saktësisë për dy pikë - kanë qenë statistikat kryesore të Wallerit nga kjo ndeshje. 

2. Aleks Simeonov (BC Levski 2014, Sofia)

Pas tij, në renditje ka ardhur lojtari i cili ia shkaktoi humbjen e parë Pejës në shtëpi këtë stinor - Aleks Simeonov. Basketbollisti bullgar ka qenë i jashtëzakonshëm në “Karagaç” ditë më parë, duke regjistruar double-double prej 21 pikëve dhe 10 kërcimeve në fitoren e Levski 2014 ndaj Pejës. 

3. Drilon Hajrizi (KB Peja, Pejë)

E lojtari që dha gjithçka nga vetja atë natë për të ndalur befasinë, Drilon Hajrizi, ka përfunduar i treti në listën e më të mirëve të javës. 

Hajrizi me 24 pikë, 6 kërcime e 5 asistime u mundua mjaft për të ndalur Levskin 2014, por më kot. Sidoqoftë, Hajrizi ka treguar se do të jetë njeriu kryesor i verdhezinjëve për pjesën përfundimtare të stinorit në thuajse secilën ndeshje të rëndësishme dhe kjo pritet të vërtetohet në përballjet në vijim. 

Basketbollistët tjerë që kanë zënë vend në TOP 10 të xhiros në Balkan League janë të renditur në tabelën e mëposhtme. 

TOP 10 performancat e xhiros në BIBL: