HOUSTON vs GOLDEN STATE
Kevin Durant duke shutuar kundër Houston Rockets/ Foto: nba.com
Warriorsat fitojnë derbin e tretë rresht
21 January, 2017 @9:42
Pas Clevelandit dhe Oklahomës, Golden State Warriors, arriti të dalë me fitore nga një tjetër ndeshje derbi.
Luftëtarët e mposhtën Houstonin me rezultat 125-108 në “Toyota Center”.
Kevin Durant me 32 pikë e 7 asistime ishte më i dalluari te nënkampioni, së bashku me Stephen Curryn (24 pikë e 7 asistime).
Në anën tjetër, Clint Capela ishte koshashënuesi më i mirë me 22 pikë, derisa James Harden për tre kërcime nuk arriti shifrat magjike triple-double (17 pikë, 11 asistime e 7 kërcime).
Vlen të ceket se në çerekun e tretë, Houstoni nuk shënoi asnjëhere në 10 tentimet e bëra nga vija e treshit.
Golden State Warriors, e regjistroi fitoren e gjashtë me radhë dhe 37 në total.
