SUPERLIGA
Xhiroja e 20 mbyllet me 2 ndeshje
16 January, 2020 @12:22
Xhiroja e 20 në Superligën e Kosovës në basketboll, do të mbyllet me 2 ndeshje që do të luhen sot.
Me fillim nga ora 17:00, Feronikeli e pret nënkampionin e Superligës, Rahovecin, ndërsa xhiroja mbyllet me derbin në mes të Trepçës dhe Bashkimit (19:00).
Feronikeli gjendet në pozitën e shtatë me 5 fitore e 12 humbje, kurse Rahoveci në pozitën e tretë me 12 fitore e 5 humbje. Trepça me 4 fitore e 12 humbje është në pozitën e tetë, derisa Bashkimi me 11 fitore e 6 humbje gjendet aktualisht në pozitën e pestë.