SUPERLIGA
Xhiroja hapet në Mizahir Isma
18 January, 2020 @10:26
Xhiroja e 21 e Superligës së Kosovës në basketboll, do të hapet në palestrën “Mizahir Isma”.
Rahoveci do të përballet me Lipjanin nga ora 17:00, kurse ndeshja e dytë e ditës do të jetë në mes të Yllit dhe Trepçës nga ora 19:00.
Në xhiron e kaluar Rahoveci dhe Ylli fituan përballjet e tyre, kurse Lipjani dhe Trepça pësuan.
Rahoveci aktualisht gjendet në pozitën e dytë me 13 fitore e 5 humbje, derisa Lipjani në pozitën e fundit me 1 fitore e 17 humbje. Në anën tjetër Ylli me 12 fitore e 6 humbje është në pozitën e tretë, kurse Trepça me 4 fitore e 13 humbje në pozitën e tetë.
