Ylli fantastik lodh Prishtinën, Dardani magjik e shpëton

Dardan Berisha ka shënuar hiç më pak se 49 pikë për Sigal Prishtinën për të shënuar fitoren më të mundimshme të ekipit të tij këtë stinor. 

Lojtari më i mirë në Kosovë nuk u pushua për asnjë minutë nga trajneri ndërsa ky shënoi pikë magjike të duke i ndihmuar shokëve edhe me 4 asistime dhe 2 vjedhje topi për fitore. 

Ylli ka qenë më i mirë në pjesën më të madhe të ndeshjes ndaj Sigal Prishtinës. Kampionja në tre çerekët e parë as që arriti të dalë në epërsi karshi suharekasve të motivuar jashtëzakonisht sonte. 

Besoni apo jo, përveç Dardanit asnjë lojtar prishtinas nuk ka arritur të shënojë pikë dyshifrore sonte, derisa Edmond Azemi e Edin Bavcic dolën nga loja më heret për shkak të 5 gabimeve personale. 

Qendra Urim Zenelaj, bashkë me të huajt, Derrick Washington dhe Najee White, kanë luajtur pa pushim për Yllin që ishte afër befasisë më të madhe të stinorit, derisa tre basketbollistë të ekipit regjistruar double-double. 

Najee White me 28 pikë e 18 kërcime, Charles Hammork me 10 pikë e 10 kërcime dhe Urim Zenelaj me 21 pikë e 10 kërimce - kanë qenë të shkëlqyer, derisa 3 asistime i munguan edhe Washingtonit për double-double të tij, që arriti 14 pikë e 7 asistime. 

Fitorja e brishtë e Prishtinës është e gjashta me radhë, derisa me këtë performancë Ylli tregoi se me pak më shumë dëshirë mund të shkojë shumë larg këtë stinor. 

REZULTATET, TABELA AKTUALE

Statistikat ekipore

	YLLI	SIGAL PRISHTINA
Çereku i parë	21	11
Çereku i dytë	20	18
Çereku i tretë	17	28
Çereku i katërt	22	24
Kërcime në mbrojtje	31	25
Kërcime në sulm	10	4
Gjithsej kërcime	41	29
Asistime	16	10
Topa të vjedhur	3	2
Topa të humbur	10	9
Tentime për tre pikë	2/12	6/26
Tentime për dy pikë	31/54	26/37
Gjuajtjet e lira	12/22	11/16

Statistikat individuale te Ylli

1	Najee White	28 pikë	18 kërcime	2 asistime
2	Urim Zenelaj	21 pikë	10 kërcime	2 asistime
3	Charles Hammork	10 pikë	10 kërcime	4 asistime
4	Derrick Washington	14 pikë	7 asistime
5	Artin Gashi	6 pikë	3 kërcime	1 asistim
6	Erris Nushi	1 pikë

Statistikat individuale te Sigal Prishtina

1	Dardan Berisha	49 pikë	4 kërcime	4 asistime
2	Jordan Hulls	9 pikë	3 kërcime
3	Blerim Mazreku	8 pikë	6 kërcime	1 asistim
4	Aaron McGhee	6 pikë	4 kërcime	1 asistim
5	Edmond Azemi	5 pikë	9 kërcime	2 asistime
6	Edin Bavcic	4 pikë	3 kërcime	1 asistim