SAS-ATL
REUTERS
Ginobili shpëton kampionin
6 November, 2014 @9:59
Argjentinasi Manu Ginobili, ka nxjerrë faqebardhë kampionin aktual të NBA-së, San Antonio Spurs në ndeshje ndaj Atlanta Hawks sot.
Gjatë rezultatit të barabartë 92-92, ai organizonte akcionin e radhës për Spurs dhe vendos të depërtojë në kosh. Futet në mes të tre kundërshtarëve dhe para se të gjuaj, i shkaktohet faul.
Ginobili shënon për 94-92, derisa në sulmin e fundit, pa shpresë, maqedonasi Pero Antic tenton për tresh afërsisht nga gjysma e fushës për Atlantan - që i siguroi fitoren e 17-të me radhë të San Antonios ndaj Atlantës në shtëpi.
Qendra Tim Duncan luajti me double-double prej 17 pikëve dhe 13 kërcimeve në fitoren e kampionit, që tani ka bilanc (2-1). Tony Parker gjithashtu shënoi 17 pikë, derisa Ginobili nga banka ndihmoi me 12 sosh në fitore.
Te Hawksat (1-2), Demarre Carroll dhe Paul Millsap ishin më të dalluarit, me nga 17 pikë secili.
