Peja e pakapshme për Vëllaznimin

Nënkampionja e Kosovës, Peja, pa shumë telashe ka arritur të kalojë edhe pengesën e radhës në Superligë, Vëllaznimin. 

Ndeshja hapëse e xhiros së gjashtë të stinorit të Superligës i takoi tërësisht verdhezinjëve të udhëhequr nga trajneri Boris Kurtovic, të cilët prej se e morrën epërsinë në ndeshje nuk e lëshuan asnjëherë më atë, deri në fund të takimit për të regjistruar fitoren e pestë në kampionat. 

Për më tepër, Vëllaznimi, si anëtar i rikthyer i Superligës, në asnjë çerek nuk arriti rezultat pozitiv, duke u mposhtur në çdonjërën edhe veç e veç, për të arritur te rezultati përfundimtar prej 72-99 në të mirë të nënkampiones. 

Ujku i vjetër, Samir Shaptahovic, ka qenë violinia kryesore e Pejës sonte. Ai ka shënuar 27 pikë dhe ka dhuruar 6 asistime për bashkëlojtarët e tij në fitoren e pestë të Pejës. 

Atij i ndihmuan, edhe Drilon Hajrizi, Gerti Shima, Jan Mocnik e Alban Veseli me pikë dyshifrore, derisa shqiptari Shima dhe slloveni Mocnik arritën double-double. 

Për Pejën, për herë të parë këtë stinor luajti edhe i rikthyeri në ekip, qendra kroate, Teo Simovic, që kontribuoi me 11:40 minuta në parket duke shënuar dy pikë në ndeshjen e parë të tij të stinorit. 

Te ekipi i Vëllaznimit, si zakonisht më i dalluari ishte Dino Hodzic. Ai regjistroi 15 pikë dhe 5 asistime në humbjen e ekipit të tij, derisa Jeton Nixha për herë të parë i dha rast Larry Jacksonit në pesëshe të parë të ekipit, përkundër se ky i fundit, luajti pak (10 minuta). 

Pikë pozitive e Vëllaznimit, përkundër humbjes, ishte se katër basketbollistë arritën të shënojnë pikë dyshifrore, që tregon se Nixha po punon me ekipin në tërësi dhe nuk po don që të varet nga ndonjë individ. 

Korab Prekazi, Mateo Juricic dhe Besnik Azemi ishin basketbollistët tjerë që shënuan pikë dyshifrore, derisa Mario Hajdic regjistroi 9 pikë. 

Kjo qe fitorja e pestë e Pejës, derisa Vëllaznimi regjistroi disfatën e katërt të stinorit. 

REZULTATET, TABELA AKTUALE

Statistikat ekipore:

	Vëllaznimi	Peja
Çereku i parë	15	23
Çereku i dytë	16	26
Çereku i tretë	24	30
Çereku i katërt	17	20
Kërcime	24	32
Asistime	22	39
Bllokada	0	0
Topa të vjedhur	5	3
Topa të humbur	7	8
Tentime për tre pikë	4/16	10/25
Tentime nga loja	22/48	39/62
Tentime nga gjuajtjet e lira	24/32	11/25

Statistikat individuale te Vëllaznimi

1	Dino Hodzic	15 pikë	5 asistime	3 kërcime
2	Korab Prekazi	13 pikë	2 kërcime	2 asistime
3	Matteo Juricic	13 pikë	4 asistime
4	Besnik Azemi	11 pikë	6 kërcime	4 asistime
5	Marijo Hajdic	9 pikë	2 asistime	2 kërcime
6	Imer Tahiri	4 pikë	2 kërcime	2 asistime
7	Qëndrim Ajazaj	2 pikë	1 kërcim	1 asistim
8	Arianit Bytyqi	2 pikë	3 kërcime
9	Genti Zeka	2 pikë
10	Larry Jackson	1 pikë	2 kërcime

Statistikat individuale te Peja

1	Samir Shaptahovic	27 pikë	6 asistime	5 kërcime
2	Jan Mocnik	17 pikë	13 asistime	3 kërcime
3	Drilon Hajrizi	13 pikë	9 kërcime	2 asistime
4	Alban Veseli	12 pikë	4 asistime	3 kërcime
5	Gerti Shima	11 pikë	10 kërcime	7 asistime
6	Rron Grapci	5 pikë	1 asistim
7	Radomir Marojevic	4 pikë	3 asistime	1 kërcim
8	Ardit Beqiri	4 pikë	2 asistime	1 kërcim
9	Arti Hajdari	4 pikë
10	Teo Simovic	2 pikë	1 asistim