YLLI - PRIZRENI
Ylli ngritet në pozitën e dytë
6 December, 2018 @20:50
Skuadra e trajnerit Arben Krasniqi, Ylli, duke e mposhtur Prizrenin me rezultat 89-75, u ngrit në pozitën e dytë në Superligëne Kosovës në basketboll.
Pjesa e parë e ndeshjes përfundoi baraz me rezultat 43-43, derisa në pjesë e dytë skuadra e Yllit ishte më e suksesshëm në sulm për ta mposhtur kundërshtarin.
Artin Gashi ishte lojtari i ndeshjes te skuadra e Yllit me 25 pikë e 7 kërcime, derisa u ndihmua edhe nga Terrell Everett me 18 pikë dhe nga Leonard Mekaj, i cili luajti me double-double me 10 pikë e 13 asistime.
Te Prizreni më i miri ishte Elliott Cole me 21 pikë.
Kjo fitore e ngriti Yllin në pozitën e dytë të tabelës me 18 pikë të grumbulluara, derisa Prizreni gjendet në pozitën e gjashtë me 14 pikë në total.
Ylli në ndeshjen e radhës do të përballet me Prishtinën, derisa Prizreni me Rahovecin.
