Trepça fitoi derbin lokal

Skuadra e Trepçës ka shënuar fitoren e katërt sezonale sot, ndërsa me një gol të Ardit Miftarit në pjesë të parë ka fituar derbin lokal ndaj ekipit të ri të ardhur në Ligë të Parë, Mitrovicës.

Në pjesë të dytë rrjetat mbetën të qeta, ndërsa ndeshja përfundoi me rezultat: Mitrovica - Trepça 0-1 [Ardit Miftari 35’]. Fitorja, bën që Trepça të del mbi Trepçën’89 në renditje tabelare, duke kapërcyer në vend të tretë me 14 pikë nga 7 ndeshje të luajtura.

Mitrovica ndërkaq, mbetet e fundit në tabelë, e dhjeta, me 3 pikë nga shtatë ndeshje.