LIPJANI - YLLI
Ylli pa telashe ndaj Lipjanit
4 October, 2019 @12:37
Siç është pritur, ashtu edhe ndodhi.
Skuadra e Yllit e mposhti pa problem Lipjanin me rezultat 88-115, në kuadër të xhiros së dytë.
Djelmoshat e trajnerit Arben Krasniqi, nga çereku i parë e deri në fund të ndeshjes nuk e lëshuan epërsinë dhe dominuan 40 minuta sa ishin në parket.
Egzon Kuqi ishte koshashënuesi më i mirë me 25 pikë te skuadra suharekase, kurse u ndihmua edhe nga Samir Zekiqi me 21 pikë.
Te Lipjani më i dalluari ishte Demarcus Stuckey Jr me 36 pikë, por nuk mjaftoi për fitore performanca e tij.
Kjo ishte fitorja e dytë e Yllit pas dy xhirove në Superligë, kurse për Lipjanin humbja e dytë.
Ylli të shtunën e pret Trepçën në Suharekë, kurse Lipjani luan me Rahovecin në “Mizahir Isma”.
