EDHE MË TË PËRFORCUAR NË PRANVERË
Zekiqi dhe Gashi, përforcime të reja të Vushtrrisë
5 January, 2023 @17:11
Dy basketbollistë ka paralajmëruar skuadra e Vushtrrisë për pjesën e dytë të stinorit në Ligë të Parë, ndërsa pak para Vitit të Ri zyrtarizoi ardhjen e Ramadan Zekiqit dhe të Rinol Gashit në ekip.
Skuadra e drejtuar nga Gazmend Asllani ka bërë të ditur se ka arritur marrëveshje me Ramadan Zekiqin, duke e transferuar atë nga KB Rahoveci. Ndërsa nga Trepça, ata transferuan Rinol Gashin.
Vushtrria është ndër kandidatët kryesorë për futje në Superligë stinorin tjetër nga Liga e Parë këtë stinor 2022/23.
