LIPJANI - TREPÇA
100 pikëshi i parë i Trepçës, Lipjani ende pa fitore
6 November, 2019 @20:57
Ndeshja hapëse e xhiros së nëntë në Superligën e Kosovës në basketboll në mes të Lipjanit dhe Trepçës, përfundoi me fitoren e skuadrës mitrovicase me rezultat 91-100.
Trepça 10 minutëshin e parë e mbylli me 9 pikë epërsi, derisa pjesa e parë përfundoi në favor të Lipjanit me rezultat 50-48.
Skuadra mitrovicase në pjesën e dytë të ndeshjes e kërkoi më shumë fitoren dhe me ndihmën e Besnik Azemit dhe DJ Hanes, Trepça e mposhti kundërshtarin për ta regjistruar fitoren e dytë të stinorit.
Besnik Azemi luajti me 31 pikë, 10 kërcime e 2 asistime, derisa DJ Hanes me 31 pikë, 7 kërcime e 6 asistime.
Te Lipjani u dalluan Demarkus Stuckey JR me 35 pikë, 13 asistime e 8 kërcime, Devaughn Jenkins me 27 pikë e 8 kërcime dhe Marquise Simuels me 21 pikë të tjera.
Kjo ishte ndeshja e parë e Trepçës në këtë sezon që arriti të shënojë 100 pikë në një ndeshje, derisa fitorja e dytë e stinorit krahas gjashtë humbjeve, kurse Lipjani është ende pa fitore.
Në xhiron tjetër Trepça pushon, derisa Lipjani përballet me Bashkimin.
