MUNGESA TE VRESHTARËT
BOROZANI/Arkiv
4 mungesa te Rahoveci, rast për Borean
22 September, 2018 @11:50
Para ndeshjes së parë të stinorit, Rahovecin e kanë kapur telashe të pa-parapara.
Përforcimet e huaja të ekipit (Amir Madredd, Fred Richarson & Daishon Minnis) nuk kanë marrë ende fletëlëshimet nga ish ekipet e tyre në SHBA dhe nuk do të mund të paraqiten në përballje ndaj Boreas sot që zhvillohet në Gjakovë me fillim prej orës 15:00.
Njejtë, edhe talenti Rron Ukaj nuk do të mund të paraqitet në këtë përballje, pasi që ka një lëndim të lehtë dhe këtë e ka konfirmuar ekipi i vreshtarëve para pak çastesh në Facebook.
Ky në njërën anë do të jetë rast i mirë për Borean që të shfrytëzojë këto mungesa të Rahovecit dhe të arrijë fitore befasuese që në ditën e parë të stinorit, ndërsa në anën tjetër, Rahoveci duhet të shpresojë 100% në forcat vendore për të arritur fitoren e parë të stinorit në ditën e parë të garës.
