Prishtina i kthehet BIBL-it

Dy herë kampionia e ligës ballkanike, Prishtina, këtë stinor i kthehet garave të BIBL-it.

Njoftimin e ka bërë të ditur faqja zyrtare e BIBL, e cila ka shprehur kënaqësinë për rikthimin e kampiones në garë dhe tash e tutje kjo ligë do të ketë tetë skuadrat e kërkuara për nismë të stinorit.

Prishtina e ka fituar ligën ballkanike në vitin 2015 dhe 2016, ndërsa në dy vitet e fundit nuk morri pjesë aty.

Prishtina këtë stinor do të merr pjesë edhe në Basketball Champions League.

Përveç Prishtinës, në BIBL këtë stinor të konfirmuar pjesëmarrjen e ka edhe nënkampioni i vitit të kaluar në këtë garë, Bashkimi.

Ekipet që do të marrin pjesë këtë edicion në BIBL janë: Bashkimi dhe Prishtina nga Kosova, Akademik Bultex dhe Beroe nga Bullgaria, Shkupi dhe Kozuv nga Maqedonia si dhe Tirana e Teuta nga Shqipëria.