Tri ekipe evropiane sigurojnë botërorin

Me përfundimin e ndeshjeve të dyta të fazës kualifikuese për Kampionatin Botëror “Kina 2019”, tre skuadra nga Evropa veçse kanë siguruar kualifikimin për në Kinë.

Greqia, Gjermania dhe Çekia të dielën edhe matematikisht kanë siguruar biletat për Kinë, pasi që kanë shënuar fitore edhe në ndeshjet e dyta të grupeve.

Derisa Greqia dhe Gjermania kanë siguruar biletën nga nga Grupi L me bilanc 8-0 aktualisht, duke e mposhtur, përkatësisht, Gjeorgjinë 86-85 (në sekondën e fundit) dhe Izraelin 112-98 (në vazhdime), Çekia këtë sukses e ka arritur për herë të parë në histori.

Çekia mposhti Bosnje e Hercegovinën 85-80 për të ngritur bilancin 7-1 në Grupin K kualifikues dhe për të arritur për herë të parë të kap një biletë për Kampionat Botëror.

Pas këtyre tre skuadrave që siguruan biletën, kanë mbetur edhe 9 vende të lira për ekipet evropiane për “Kina 2019”.