SUPERKUPA
Krajnoviq: Po kërkojmë edhe dy lojtarë, por luajmë për fitore
15 September, 2018 @13:10
Në prag të ndeshjes së Superkupës ndaj Prishtinës, për ‘Koha Ditore’ ka folur Krunoslav Krajnoviq, trajneri i ri i Bashkimit.
“E sigurt se jemi të gatshëm të luftojmë për fitore, por ende nuk jemi të kompletuar. Po kërkojmë edhe dy lojtarë, ndërsa Grosha do ta bëjë vetëm një stërvitje para ndeshjes së Superkupës.
Luajmë ndaj një kundërshtari shumë cilësor, por do të angazhohemi maksimalisht, aq sa në këtë moment mundemi.” - deklaroi Krajnoviq para ndeshjes.
Ndeshja për Superkupë të Kosovës mes Prishtinës dhe Bashkimit luhet nesër (e diel) me fillim nga ora 17:00.
