DARDAN BERISHA
Foto: fiba.basketball
S’patëm fat në fund
14 September, 2018 @14:39
Kapiteni i Kosovës, Dardan Berisha, përkundër lojës fenomenale të tij, pas ndeshjes ka thënë se ekipi nuk pat fat në fund për të arritur fitoren në fund. Kosova u mposht nga Maqedonia me 3 pikë dallim, 73-76.
“Dhamë 100% nga vetja dhe në fund për pak na iku fitorja. Luftuam deri në fund, por fat s’kishim në çastet e fundit dhe në fund Maqedonia iu gëzua fitores,” ka thënë ai ndër të tjera pas ndeshjes.
Dardani përfundoi ndeshjen me 32 pikë të shënuara, 6 kërcime e 4 asistime, derisa indeksi i vlefshmërisë së tij në lojë arriti kuotën 26.
