BESA - TREPÇA '89
‘89shi thyen tabunë, fitore me përmbysje në Pejë
12 March, 2017 @14:59
Për herë të parë në histori të Superligës, skuadra e Trepçës ‘89 ka arritur të shënojë fitore në ‘Shahin Haxhiislami’ të Pejës. Në 20 takimet e luajtura para këtij të zhvilluar sot, Besa kishte 15 fitore dhe 5 barazime ndaj ‘89shit.
Mitrovicasit fitoren e arritën me përmbysje falë një goli të Oto John në minutën e 4’ shtesë të takimit, ndërsa rezultati deri në atë moment ishte 2-2.
Ishte pikërisht Oto John ai që e hapi ndeshjen me golin e shënuar në minutën e 43’, mirëpo kjo epërsi nuk zgjati shumë dhe pejanët barazuan 1 minutë me vonë, me Ilir Izmakun që shënoi autogol dhe pjesa e parë u mbyll 1-1.
Luftë e fortë nga të dyja skuadrat u pa edhe në pjesën e dytë, kurse e para golin e gjeti Besa, me Qemajl Elshanin që shënoi një supergol nga një distancë e konsiderueshme.
Kur u mendua se ‘89shi do të lëshonte pikë dhe diferenca ndaj ndjekësve do të zbutej, në skenë doli dyshja Florent Hasani - Oto John, e cila me dy golat e shënuara i mundësoi mitrovicasve përmbysjen dhe arritjen e 3 pikëve shumë të mëdha në luftën për titull.
Me këtë fitore, ‘89shi ruan distancën ndaj Prishtinës dhe Feronikelit, skuadra të cilat gjithashtu shënuan fitore në ndeshjet përkatëse.
