NGULITJE
Qëndrim Ajazaj, me fanellë të kombëtares, i rrethuar nga bashkëlojtarët e spektatorët tjerë
Ajazaj ngrit Vienën në këmbë
30 March, 2013 @10:42
Qëndrim Ajazaj, basketbollisti i përfaqësueses U-18 të Kosovës dhe i Bashkimit të Prizrenit, ka arritur të fitoj titull individual në Vienë.
Ai ka arritur të dalë basketbollisti më atraktiv në garën e ngulitjeve në Basketball Wien 2013.
Fitorja e tij ka qenë madhështore, pasi që në konkurrencë ka pasur një gjerman 4 vjet më të vjetër se ai, si dhe dhjetë pjesëmarrës tjerë.
E tërë palestra, ku është zhvilluar kjo garë ka filluar të brohorisë “Kosova - Kosova”, me ngulitjet e Qëndrimit, derisa ai personalisht fitoi një kupë dhe veshëmbathje nga organizatori.
Përfaqësuesja U-18 e Kosovës sot luan finalen e turneut Basketball Wien, me fillim në ora 13:30.
