Kërkon ndjesë për humbjen

Njëri ndër basketbollistët më të dalluar të Pejës këtë stinor, pas Dardan Berishës, padyshim se është shqiptari, Gerti Shima. 

Pak më parë, ai ka shkruar në llogarinë e tij personale se i kërkon ndjesë tifozëve për zhgënjim në ndeshjen e fundit, ku Peja humbi nga RTV 21. 

“Ne futemi në lojë gjithmonë për të fituar dhe nuk shohim interesat e njërit klub apo tjetrit. Shpresojmë që të kthehemi sa më shpejtë te fitorja dhe kemi nevojë për përkrahjen tuaj për ta arritur qëllimin e përbashkët,” ka thënë Shima, i cili ka shprehur kënaqësinë e tij që është në Pejë dhe ka falenderuar klubin për profesionalizëm. 

Peja në ndeshjen e radhës do të ndeshet me Sigal Prishtinën në Prishtinë.