KOSOVA U-18 FEMRAT
FBK
Përfundon aventura austriake
29 March, 2013 @10:36
Përfaqësuesja e femrave U-18 e Kosovës është mposhtur nga skuadra letoneze, Riga, në 1/8 e finales së turneut Basketball Wien me rezultat 45-38 dhe kështu ka përfunduar aventurën austriake.
Për përfaqësuesen U-18 ky ka qenë turneu i parë ndërkombëtar, ndërsa vetë dalja nga grupet ka qenë sukses për ato, për shkak të mungesës së përvojës.
Kosovaret e udhëhequra nga Elvira Dushku e Elinda Musliu, kanë shënuar dy fitore në grup krahas një humbjeje, që ua solli kundërshtaren më të fortë në 1/8 e finales.
Vetë arritja e kosovareve në 16 ekipet më të mira të bashkëmoshatareve të tyre mund të konsiderohet sukses, kur mirret parasysh mungesa e përvojës në gara ndërkombëtare.
REZULTATI I 1/8 SË FINALES:
| Riga - Kosova | 45-38 |
