Lojë për sulm në zemër

Befasia e dorës së parë në basketbollin kosovar ndodhi sonte. Super ekipi pejan u humb në Pallatin e Rinisë dhe të Sporteve duke u mposhtur në një luftë të madhe nga RTV 21. 

“Ka qenë ndeshje ku mund të pësohej sulmi në zemër. Ky është basketbolli. Kishim dhjetë pikë epërsi, katër minuta pa përfunduar loja, por për shkak të papërvojës së lojtarëve të rinj, rrezikuam gjithçka, por në fund mendoj se merituam fitoren pas paraqitjes jo të mirë ndaj Bashkimit në Prizren,” ka thënë boshnjaku menjëherë pas ndeshjes. 

RTV 21 ka regjistruar befasinë më të madhe të stinorit duke e fituar Pejën, e cila deri sonte, ka pasur vetëm një humbje dhe atë nga Sigal Prishtina në pjesën vjeshtore të stinorit. 

Teleboysat, janë duke luftuar për të arritur një vend që dërgon në play-off dhe konkurrent kryesor në këtë garë e kanë Trepçën, të cilën e kanë mposhtur dy herë këtë stinor.