Bashkimi e Trepça, fitojnë

Bashkimi dhe Trepça kanë shënuar sonte fitoret e tyre të radhës si mysafir. Bashkimi ka mposhtur Vëllaznimin, derisa Trepça Dritën. 

Prizrenasit kanë qenë sonte mysafir në palestrën e tyre, pasi që Vëllaznimi kishte zgjedhur Sezai Surroin për të luajtur vendas këtë xhiro. 

Vëllaznimit i mungoi sonte edhe trajneri, Pal Syla, i cili kishte rast vdekje dhe nuk kishte udhëtuar në Prizren. 

Merovci me rekord të stinorit për Bashkimin

Bashkimi gjatë gjithë ndeshjes ka qenë më i mirë se Vëllaznimi dhe fitorja e tyre asnjëherë nuk erdhi në pyetje, derisa më së shumti u dallua Mustafë Merovci dhe treshja e huaj Mark Dawson, Rokas Uzas dhe Kejuan Johnson. 

Merovci ka shënuar rekord pikët e tij të stinorit, por edhe të një lojtari për Bashkimin këtë stinor. Ai ka shënuar 37 pikë sonte. Qendra amerikane, Mark Dawson, ka regjistruar përsëri double-double, prej 28 pikëve dhe 17 kërcimeve. E te gjakovarët janë dalluar gashët. Valoni ka shënuar 29 pikë, derisa Qëndrimi ka shtuar 19 të tjera. 

Trepça shuan Dritën

Në ndeshjen tjetër Trepça shënoi fitore ndaj Dritës, e cila u mundua, por asnjëherë nuk i bëri ballë mitrovicasve të kthyer në formë. Vetëm në çerekun e parë dhe të dytë gjilanasit deri diku i bënë ballë me lojë të barabartë, kur Trepça u shkëput në pjesën e fundit. Tabela aktuale

BKT SUPERLIGA, SONTE:

Vëllaznimi - Bashkimi	90-111 Rezultati përfundimtar	(15-28; 31-28; 18-32 dhe 26-23) Rezultati sipas çerekëve
Drita - Trepça	81-91 Rezultati përfundimtar	(20-22; 15-21; 18-22 dhe 28-26) Rezultati sipas çerekëve

VËLLAZNIMI - BASHKIMI / TOP SHËNUESIT E NDESHJES

1	Mustafë Merovci (Bashkimi)	37 pikë	6 kërcime	2 asistime
2	Valon Gashi (Vëllaznimi)	29 pikë	2 kërcime	2 asistime
3	Mark Dawson (Bashkimi)	28 pikë	17 kërcime	2 asistime
4	Qëndrim Gashi (Vëllaznimi)	19 pikë	6 kërcime	1 bllokadë
5	Rokas Uzas (Bashkimi)	16 pikë	3 kërcime	4 asistime
6	Sami Hajzeri (Vëllaznimi)	16 pikë	1 kërcim
7	Kejuan Johnson (Bashkimi)	13 pikë	4 kërcime	5 asistime

DRITA - TREPÇA/ TOP SHËNUESIT E DRITËS

1	Fisnik Mehmet (Drita)	19 pikë	8 kërcime	3 asistime
2	Brandon Shingles (Drita)	15 pikë	3 kërcime	8 asistime
3	Driton Sylejmani (Drita)	13 pikë	9 kërcime	2 asistime
4	Craig Blackmon (Drita)	11 pikë	1 kërcim	4 asistime
5	Obinna Agomo	4 pikë	1 kërcim	1 asistim