TRANSFER
Albion Kurtaj zyrtarizohet te Liria
26 June, 2025 @13:46
Pas emërimit të Klodian Duros në krye të shtabit teknik, KF Liria nga Prizreni ka njoftuar opinionin për një përforcim mjaft cilësor në fazën sulmuese.
Prizrenasit kanë transferuar në radhët e tyre futbollistin Albion Kurtaj, që te kjo skuadër vjen nga Ferizaji.
Kurtaj luan si mesfushor ofansiv, ndërkohë sezonin e kaluar te Ferizaj e mbylli me 3 gola e 4 asistime.
Kujtojmë që Liria edhe sezonin tjetër do të garojë në Ligën e Parë, me synim rikthimin në elitën e futbollit kosovar për sezonin 2026/2027.
