NË PRIZREN
Përforcimi i ri i Bashkimit në stërvitje sonte/ Foto: KBBashkimi Official
Antonio Jenifer nis stërvitjet me Bashkimin
6 February, 2017 @19:35
Basketbollisti amerikan i paralajmëruar ditë më parë nga Bashkimi dhe i paraqitur për regjistrim në FBK, Antonio Mitchell Jennifer, ka arritur në Prizren.
Lojtari 185 centimetra i gjatë që ka luajtur për Columbus Univ. në SHBA ka nisur stërvitjet sonte me ekipin portokallezi nga Prizreni, ka njoftuar faqja zyrtare e klubit në Facebook.
DUELET E RADHËS
Bashkimi në xhiron që vjen ka duel të vështirë ndaj Yllit në Suharekë, ndërsa në fundjavën e Pavarësisë së Kosovës prej 17 deri më 19 shkurt pritet t’i ndihmojë ekipit në Final Four të Kupës së Kosovës.
Bashkimi njashtu ka kthyer në ekip edhe qendrën e reprezentacionit të Kosovës, Gazmend Sinani, që ka zhvilluar ndeshjen e kaluar me klubin, në fitore ndaj Vëllaznimit.
