Arushat në gjumë kundër San Antonios

Një gjë e pritur ndodhi në AT&T Center të San Antonio Spursit.

Djelmoshat e trajnerit Gregg Popovich, e kaluan pengesën e Memphisit me lehtësi duke i mposhtur me rezultat të thellë, 106-74, për të kaluar 1-0 në
epërsi në seri.

Kawhi Leonard, luajti rolin kryesor në fitoren e mamuzave, me 20 pikë e 4 topa të vjedhura, derisa u ndihmua edhe nga LaMarcus Aldridge me 17 pikë të tjera.

Në anën tjetër, më i miri tek Grizlies ishte ylli veteran Vince Carter me 16 pikë të shënuara.

Trajneri i sukseshëm i Spursit, Gregg Popovich, pas ndeshjes deklaroi se Leonardi është duke bërë gjëra të mira në mbrojtje:

” Leonardi është një mbrojtës i mirë, ai e bëri atë që ai e bën zakonisht për ne, Kawhi e cakton dozën e mbrojtjes sonë dhe sonte ishte shembulli më i
mirë “.

Ndeshja e radhës do të luhet përsëri në AT&T Center me 19 prill.