Artan Latifi i jep lamtumirën futbollit!

Portieri dhe kapiteni i Dritës së Gjilanit, Artan Latifi, përmes një shkrimi të botuar në faqen zyrtare të ekipit ka bërë të ditur se në fund të këtij stinori do t’i jep lamtumirën futbollit.

“Unë si kapiten i skuadrës jam munduar gjithmonë të jap maksimumin nga vetja, të bëj punën qe di t’a bëj më së miri, të mbaj skuadrën e unifikuar dhe të kontriboj në diciplinë dhe detyrat që obligohem nga trajneri. Në të gjitha rastet gjatë gjithë karrieres jam munduar të jem sa më racional në vendimet që marr, ashtu mendoj edhe në këtë rast. Duke parë situatën e përgjithshme në klub, investimet e shumëta, kushtet e mira të ofruara nga kryesia dhe në të njejtën kohë krizën e madhe të rezultateve kam vendosur të reflektoj dhe të marr përgjegjësitë që më takojnë edhe mua. Unë kam vendosur t’i jap fund karrieres time futbollistike duke dashur t’i falenderoj të gjithë bashkëpunëtorët gjatë gjithë kësaj periudhe të gjatë kohore, veçanarisht tifozët më të mirë në trojet shqiptare “Intelektualët” të cilët fanelës së Dritës i japin kuptim dhe e bëjnë të peshoj shumë ma rënd se sa disa mendojnë. Ky vendim vjen si pasojë e përgjegjësisë morale që kam dhe vullnetit që kam t’a shoh Dritën më mirë.” - ka shkruar ndër të tjera Latifi në letrën lamtumirëse.