PRISHTINA E RE - AS PRISHTINA
AS Prishtina e hap xhiron me fitoren
6 November, 2020 @11:48
Skuadra e AS Prishtinës e mposhti Prishtinën e Re me rezultat 76-111 dhe e regjistroi fitoren e dytë të sezonit.
Djelmoshat e trajnerit Valentin Spaqi, vetëm çerekun e parë e përfunduan në disavantazh e më pas nga çereku i dytë e kontrolluan ndeshjen deri në fund.
Rron Kurti me 30 pikë ishte koshashënuesi më i mirë te AS Prishtina, kurse u ndihmua edhe nga Dardan Sejdiu me 20 pikë e 13 kërcime.
Te Prishtina e Re më i dalluari ishte Art Islamaj me 21 pikë, 6 kërcime e 2 asistime.
AS Prishtina aktualisht gjendet në krye të tabelës me 2 fitore, kurse Prishtina e Re ende është pa fitore.
Në xhiron tjetër AS Prishtina takohet me Istogun, kurse Prishtina e Re me New Basketin.