AS PRISHTINA - NEW BASKET
AS Prishtina pa u lodhur fiton me 50 epërsi
8 February, 2020 @21:48
Skuadra e AS Prishtinës, me lehtësi e mposhti New Basketin me rezultat 103-53.
Djelmoshat e trajnerit Valentin Spaqi, dominuan gjatë tërë ndeshjes dhe e regjistruan një fitore të lehtë por e rëndësishme.
Si zakonisht më i miri te AS Prishtina ishte Dion Haxhosaj. Ai luajti me 22 pikë e 9 kërcime, derisa u ndihmua edhe nga Gent Shala me 16 pikë dhe Don Polloshka me 12 pikë e 7 asistime.
Te New Basketi me pikë dyshifrore luajtën vetëm Enes Huduti dhe Hajriz Hazeri me nga 11 pikë secili.
Kjo ishte fitorja e 7 e stinorit për AS Prishtinës krahas 2 humbjeve që i ka dhe gjendet në pozitën e dytë, kurse New Basketi me 2 fitore e 7 humbje është në pozitën e para fundit.
Në xhiron 11 AS Prishtina pushon, derisa New Basketi pret Istogun në Prizren.
