Astrit Berisha përsëri me hat-trick, Prishtina e Re thellë ndaj Ramiz Sadikut

Prishtina e Re ka kryer detyrën e radhës në kuadër të Grupit B të Ligës së Parë. Me Astrit Berishën në formë, ekipi i Elon Berishës ka shënuar fitoren e nëntë të stinorit, ndërsa ndeshja e xhiros XI në derbin kryeqytetas kaloi krejtësisht në të mirë të vendasve.

Prishtina e Re mposhti Ramiz Sadikun thellë, 6-0 ndërsa Astrit Berisha me golat e tij, hat-trickun e dytë të stinorit, ka çuar koutën e golave në 12 nga 11 ndeshje të luajtura, që e ngrisin mesataren e tij në mbi një gol për ndeshje.

Prishtina e Re - Ramiz Sadiku 6-0 [Astrit Berisha 15’, 55, 75’, Fatih Ismaili 36’, Kreshnik Bahtiri 63’, Alket Bajrami 88’].

Vendasit nuk u kursyen aspak në këtë lojë, duke mos i dhënë rast as për gol nderi ekipit të Alban Dragushës, duke i treguar atyre forcën dhe cilësinë që kanë. Fitorja e nëntë e arritur sot, bën që Prishtina e Re lidere të arrijë në 28 pikë nga 11 ndeshje, kurse Ramiz Sadiku edhe këtë xhiro mbetet i gjashti me 14 pikë nga po aq ndeshje.

TABELA AKTUALE