Barcelona me oferta zyrtare për lojtarët e Baskonias

Skuadra e Barcelonës është duke renovuar ekipin dhe pasi që ka ndërruar trajnerin, tashmë ka nisur me përforcimet e saja.

Në ndërkohë, Mundo Deportivo ka bërë të ditur se ekipi ka bërë ofertë zyrtare për dyshen e Baskonias, Shane Larkin dhe Adam Hanga.

Larkin (24 vjeç, 190 centimetra) me përvojë nga NBA ka pasur mesatare 14.1 pikë, 3.1 kërcime dhe 4.9 asistime te Baskonia stinorin që shkoi - derisa ka pranuar ofertën 6 milionë euroshe për dy stinorët e ardhshëm.

Ndërkaq, hungarezi Adam Hanga (28 vjeç, 201 centimetra), ka pasur mesatare prej 11.9 pikëve, 4 kërcimeve dhe 2.4 asistimeve për ndeshje - ka pranuar ofertën prej 7.5 milionë eurove për tre stinorët e ardhshëm.

Në ndërkohë mbetet të shihet nëse Baskonia do të kundërpërgjigjet me rrogë, apo do të lejojë largimin e lojtarëve nga ekipi.

Hanga ka qenë pjesë e pesëshes më të mirë të stinorit në elitën e basketbollit të Spanjës në stinorin e kaluar. Ndërsa Larkin, në ekipin e dytë të stinorit.