Bashkimi dominon ndaj Lovçenit

Bashkimi ka shënuar fitore të rëndësishme në kuadër të Grupit B të BIBL duke e mposhtur Lovçenin në shtëpi, për të siguruar fazën e dytë të kësaj gare. 

Lovçen ka qenë kundërshtar i denjë vetëm në çerekun e parë të ndeshjes, kur luanin kokë më kokë me portokallezinjtë. 

Mirëpo, në çerekun e dytë ekipi prizrenas i përkrahur edhe nga publiku vendas kanë shkatërruar tërësisht ekipin malazez duke fituar këtë 10 minutësh 32-2. 

Këtu përfundoi e tëra sa i përket fituesit, ndërsa në çerekët tjerë Bashkimi vetëm mbajti rezultatin për të shkuar te fitorja e sigurt. 

Marcel Jones ka qenë i shkëlqyeshëm në këtë ndeshje duke shënuar 32 pikë, 7 asistime dhe 9 kërcime. 

Granit Rugova ka kryer punë si në mbrojtje ashtu edhe në sulm, duke shënuar 20 pikë, 5 asistime e 2 kërcime, derisa trajneri Mijovic i dha në fund mundësi edhe të riut Arion Balluku që të shijojë 6 minuta në BIBL, i cili regjistroi 3 pikë e 1 asistim për këto minuta. 

Te ekipi nga Cetinja më efikasit kanë qenë Ratko Petric e Mikaile Tmusic me nga 11 pikë të shënuara secili, derisa Aleksandar Milic shënoi 10 të tjera. 

Qëllimi i ekipit është arritur ndërsa kjo ka qenë ndeshja e fundit për ekipin prizrenas në kuadër të fazës së parë grupore të BIBL për këtë stinor. 

TABELA AKTUALE E BIBL

Pasi që të përfundojnë të gjitha ndeshjet, Bashkimi do të mësojë përfundimisht kundërshtarët e fazës së dytë në BIBL.

Statistikat ekipore

	BASHKIMI	LOVCEN
Çereku i parë	19	20
Çereku i dytë	32	2
Çereku i tretë	21	21
Çereku i katërt	23	18
Kërcime	37	32
Asistime	30	14
Bllokada	2	2
Topa të vjedhur	18	4
Topa të humbur	14	27
Tentime për tre pikë	7/18 (38%)	8/26 (30%)
Tentime për dy pikë	32/51 (62%)	17/35 (48%)
Gjuajtje të lira	10/24 (41%)	3/6 (50%)

Statistikat individuale te Bashkimi

1	Marcel Jones	32 pikë	9 kërcime	7 asistime
2	Granit Rugova	20 pikë	3 kërcime	5 asistime
3	Theron Bussey	18 pikë	1 kërcim	6 asistime
4	Tay Waller	11 pikë	3 kërcime	4 asistime
5	Endrit Hysenagolli	7 pikë	9 kërcime	1 asistim
6	Arion Balluku	3 pikë	1 asistim	-
7	Qëndrim Biraj	2 pikë	5 kërcime	4 asistime
8	Sani Ibrahim	2 pikë	2 kërcime	-
9	Imer Tahiri	0 pikë	2 kërcime	2 asistime

Statistikat individuale te Lovcen

1	Ratko Petric	11 pikë	3 kërcime	1 asistim
2	Mikaile Tmusic	11 pikë	1 asistim	-
3	Aleksandar Milic	10 pikë	8 kërcime	-
4	Petar Jovanovic	8 pikë	3 kërcime	1 asistim
5	Nikola Vukcevic	7 pikë	1 kërcim	1 asistim
6	Vasilije Knezevic	6 pikë	6 kërcime	2 asistime
7	Nikola Borilovic	3 pikë	3 kërcime	2 asistime
8	Filip Sevaljevic	3 pikë	2 kërcime	1 asistim
9	Milos Latkovic	2 pikë	4 kërcime	5 asistime