Bashkimi e mbyll me fitore

Ndeshja e cila nuk kishte aspak rëndësi në radhitjen tabelare, ndërmjet skuadrave RTV 21 dhe Sigkos Bashkimi, përfundoi me fitoren e ekipit prizrenas.

Të dy ekipet, të cilët më parë kishin siguruar vendet e tyre në playoff, luajtën sa për ‘sy e faqe’.

Plejmekeri i Teleboysave, Brandon Roberson, nuk u paraqit fare në këtë ndeshje për shkak të lëndimit, ndërsa pozitën e organizatorit u mundua ta mbulojë Kendrick Jones.

Sigkos Bashkimi gati gjithë takimit ishte në epërsi, duke shënuar në fund fitore të meritueshme.

Koshashënuesi më i mirë i ndeshjes ishte Mark Dawson me 22 pikë, i ndjekur nga Kendrick Jones me 18 dhe Rokas Uzas me 17 pikë.

Me këtë ndeshje u përmbyll stinori i rregullt në BKT Superligë. Peja, Sigal Prishtina, Sigkos Bashkimi dhe RTV 21 do të jenë skuadrat të cilat do të luftojnë për titull në playoff, kurse Kosova e Vushtrrisë për stinorin e ardhshëm do të garojë në Ligën e Parë, derisa Vëllaznimi do të luftojnë në playout për të mbetur në elitë.

 

Tabela aktuale në BKT Superligë.

REZULTATET E JAVËS

Peja - Kosova	113 - 49
Sigal Prishtina - Drita	74 - 54
Trepça - Vëllaznimi	91 - 59
RTV 21 - Sigkos Bashkimi	68 - 80

RTV 21 (Statistikat individuale)

1	Kendrick Jones	18 pikë	7 kërcime	1 asistim
2	Urim Zenelaj	14 pikë	12 kërcime	1 asistim
3	Driton Bajrami	14 pikë	5 kërcime
4	Ersan Ozseven	9 pikë	11 kërcime	2 asistime
5	Elvan Iljazi	7 pikë	1 kërcim	1 asistim
6	Ard Islami	3 pikë	2 asistime
7	Albatrit Berisha	3 pikë

SIGKOS BASHKIMI (Statistikat individuale)

1	Mark Dawson	22 pikë	16 kërcime	1 asistim
2	Rokas Uzas	17 pikë	3 asistime	1 kërcim
3	Kejuan Johnson	15 pikë	8 asistime	1 kërcim
4	Qëndrim Biraj	12 pikë	1 kërcim
5	Valentin Spaqi	10 pikë	1 asistim
6	Muhamed Hasani	2 pikë	5 asistime
7	Ujkan Karanezi	2 pikë	1 kërcim
8	Mustafë Merovci		9 kërcime	1 asistim
9	Qëndrim Ajazaj		2 kërcime