Bashkimi zgjohet në pjesën e dytë

Skuadra e Edin Kërveshit, Bashkimi, ka filluar të këndellet pas dy humbjeve të rënda nga Peja dhe Sigal Prishtina në fillim të kampionatit. 

Ekipi prizrenas ka arritur që të shënojë fitoren e dytë me radhë sonte ndaj Kastriotit të Ferizajit pas asaj ndaj Besës xhiron e shkuar. 

Mysafirët nga Ferizaji ishin më të mirë në pjesë të parë të ndeshjes. Të udhëhequr nga dyshja amerikane Bryce Cartwright dhe Keith Cooper si dhe Fisnik Juniku ata e përfunduan pjesën e parë në epërsi komode 10 pikëshe, 36-46. 

Këndellja

 

Mirëpo portokallët u këndellën pas fjalimit të trajnerit të tyre në pjesë të dytë duke arritur të përmbysin epërsinë e ferizajasve dhe të shënojnë fitore me 11 pikë në fund të ndeshjes, 94-83. 

Darrell Lampley ka qenë më efikasi te prizrenasit me 25 pikë të shënuara, i përcjellur nga qendra Rickey Young, me 15 sosh. 

Te Kastrioti, që po udhëhiqet nga trajneri amerikan Rickey George, Bryce Cartwright ka shënuar 25 pikë, derisa më efikasi i ndeshjes ka dalë të jetë Keith Cooper me 27 të shënuara. Për më tepër, Cooper ka qenë maestral edhe nën kosh duke regjistruar hiq më pak se 21 kërcime, 10 në sulm e 11 të tilla në mbrojtje. 

Rezultatet dhe tabela aktuale. 

Statistikat ekipore:

	Bashkimi	Kastrioti
Çereku i parë	20	23
Çereku i dytë	16	23
Çereku i tretë	28	13
Çereku i katërt	30	24
Kërcime	36	37
Asistime	21	18
Bllokada	1	3
Topa të vjedhur	4	1
Topa të humbur	8	8
Tentime për tre pikë	11/30	4/22
Tentime për dy pikë	22/46	25/48
Tentime nga gjuajtjet e lira	15/23	21/28

Statistikat individuale te Bashkimi:

1	Darrell Lampley	25 pikë	8 asistime	7 kërcime
2	Rickey Young	15 pikë	6 kërcime	2 asistime
3	Aaeron Mitchell	13 pikë	5 kërcime	4 asistime
4	Endrit Hysenagolli	11 pikë	6 kërcime
5	Valentin Spaqi	8 pikë	4 asistime	1 kërcim
6	Qëndrim Biraj	7 pikë	2 kërcime	1 asistim
7	Adnan Mustafa	6 pikë	1 kërcim	1 asistim
8	Zeljko Jovanovic	5 pikë	3 kërcime
9	Qëndrim Ajazaj	4 pikë	5 kërcime	1 asistim

Statistikat individuale te Kastrioti:

1	Kenneth Cooper	27 pikë	21 kërcime	3 asistime
2	Bryce Cartwright	25 pikë	5 asistime	1 kërcim
3	Fisnik Juniku	15 pikë	4 kërcime	2 asistime
4	Kreshnik Juniku	11 pikë	3 kërcime	2 asistime
5	Visar Xhemajli	4 pikë	4 kërcime	4 asistime
6	Gent Shabani	1 pikë	4 kërcime	1 asistim