MIA-DEN
REUTERS/Arkiv
Miami pëson nga Denveri
15 March, 2014 @10:56
Skuadra e trajnerit, Erik Spoelstra është duke u treguar jo plotësisht e koncentruar në ndeshje. Miami Heat pëson përsëri.
Në gjashtë ndeshjet e fundit, Miami arriti të fitojë vetëm një herë, kurse humbja e radhës erdhi në American Airlines Arena, nga Denver Nuggets me rezultat 111-107.
Kenneth Faried, ishte më i miri tek mysafirët, i cili regjistroi double-double me 24 pikë e 10 kërcime. Te humbësit u dallua Ray Allen me 22 pikë, derisa LeBron James shënoi 21 pikë, me përqindje jo të mirë të saktësisë.
Megjithatë, Miami Heat e siguroi Play Offin në Konferencën Lindore, me 44 fitore e 19 humbje, ndërsa Denver ka bilanc prej 29 fitore e 36 humbjeve dhe duhet të luftojnë më shumë, për t’u inkuadruar në Play Off.
Video
Performanca e Kenneth Faried
