Bashkimi largon Brad Waldowin

U bë kampion në stinorin e kaluar me Pejën, ndërsa këtë stinor me të ardhur në “Sezai Surroi” nuk dha atë që u prit nga ai. Brad Waldow nuk është më lojtar i Bashkimit, ndërsa ekipi ka bërë të ditur se ka shkëputur kontratën me marrëveshje të dyanshme.

Me 15.7 minuta mesatare për ndeshje, Waldow te Bashkimi ka luajtur me 5.3 pikë për ndeshje, 1 asistim dhe 4.9 kërcime për ndeshje.

Bashkimi përndryshe këtë stinor nuk është në gjendje aspak të mirë sa i përket rezultateve deri tash. Ekipi është i parafundit në renditje tabelare, ndërsa ka shënuar vetëm katër fitore në 15 ndeshjet e para të stinorit.

E në anën tjetër Bashkimi nuk ka publikuar asnjë fotografi të ëaldoëit me fanella të Bashkimit në asnjërën nga rrjetet sociale të ekipit, për aq sa qëndroi qendra amerikane në ekip!