BASHKIMI - BLOKOTEHNA
Bashkimi mbyll sezonin me humbje në Prizren
12 March, 2019 @20:58
Nënkampioni i Ligës Ballkanike, Bashkimi, ndeshjen e fundit të sezonit e mbylli me humbje kundër Blokotehnas.
Skuadra prizrenase u mposht me rezultat 77-92, në ndeshjen e luajtur në Prizren te palestra “Sezair Surroi”.
Danilo Mijatovic ishte më i miri te Blokotehna me 27 pikë e 8 kërcime, derisa u ndihmua edhe nga Brandon Penn me 20 pikë.
Te Bashkimi u veçua Lamar Wafford me 22 pikë, së bashku me Mike Martin 18 pikë, e Drilon Hajdrizi me 15 pikë, por nuk mjaftuan për fitore.
Bashkimi e mbylli sezonën me 2 fitore e 10 humbje, derisa Blokotehna ka bilanc prej 9 fitoreve e 2 humbjeve.
