Bashkimi mposhtet me 41 pikë dallim

Pas disfatës dramatike në finale të Kupës së Kosovës, Bashkimi i Prizrenit është mposhtur edhe në përballjen e parë të muajit në kuadër të BIBL, që i takoi xhiros XII të stinorit të rregullt.

Akademik Bultex nga Plovdivi i Bullgarisë ka mposhtur Bashkimin sonte me 41 pikë dallim, 102-61, pas një starti të fuqishëm nga ekipi bullgar, (52-25, pjesa e parë).

Në vazhdim, epërsia e ekipit bullgar është thelluar dhe me mbi 100 pikë të pranuara, Bashkimi ka regjistruar humbjen e gjashtë të stinorit në BIBL.

TABELA AKTUALE E BIBL

Dimitar Dimitrov ka qenë më efikasi te Akademiku me 19 pikë e 8 kërcime të shënuara, ndërsa Vasil Bachev ka shtuar 18 pikë të tjera për ekipin nga bregdeti bullgar.

Te Bashkimi më i miri ka qenë Vincent Zollo, që ka përfunduar ndeshjen me double-double prej 20 pikëve dhe 12 kërcimeve, ndërsa Mikaile Tmusic ka shtuar 13 pikë e Qëndrim Biraj 11 të tjera.