Bashkimi vuloset si i treti, Drita përfundon stinorin

Bashkimi ka arritur të shënojë fitoren e 15-të të stinorit, për të vulosur vendin e tretë në Superligë dhe për t’ia nisur Play-Offit nga vendi i tretë i tabelës. 

Ekipi i Edin Kërveshit ka qenë më i mirë se Drita e Gjilanit sot, për të tretën herë në këtë kampionat, duke i mposhtur me 10 pikë dallim, 93-83. 

Mungesat e Dritës

 

Fitorja e Bashkimit do të vihej në dyshim po të ishin gjilanasit të kompletuar me vendorët si Arian Mehmeti e Driton Sylejmani, e që mungesa e tyre i lejoi prizrenasve fitoren edhe pse jo të lehtë, pasi që ndeshja ka qenë e barabartë në të shumtën e kohës. 

Bashkimi krijoi epërsi 7 pikëshe në fund të pjesës së parë dhe pasi që çereku i tretë përunfdoi me barazim 20-20, gjilanasit në mungesë të lojtarëve kyq vendor, nuk kishin fuqi të bëjnë më shumë në këtë ndeshje - që për ta ishte e fundit për stinorin 2013/14. 

Presin kundërshtarin

 

Derisa Bashkimi nesër do të kuptojë kundërshtarin e Play-Offit pas derbit Peja-Sigal Prishtina, Drita këtu përfundon stinorin në vendin e pestë që mund të llogaritet sukses i madh i ekipit anamoravas pasi që i kanë shkaktuar telashe të gjithë kundërshtarëve në këtë stinor, largo Pejën e Sigal Prishtinën. 

Të dalluarit

 

Malaziasi Zeljko Jovanovic ka qenë koshashënuesi më i mirë i Bashkimit në fitoren e sontme me 28 pikë të shënuara, derisa ka qëlluar 5 treshe nga 12 tentime. 

Endrit Hysenagollit dhe Rickey Youngut i mungoi nga një kërcim për të arritur double-double në fitore, ku shënuan 14, përkatësisht 15 pikë, krahas 9 kërcimeve që pat secili. 

Te Drita, Shamar Cooms ka qenë më efikasi, i cili ka qenë edhe basketbollisti më efikas i ndeshjes me 31 pikët e shënuara. Derisa Jason Hannibal ka regjistruar double-doublein e vetëm të ndeshjes me 18 pikë e 16 kërcime. 

Rezultatet dhe tabela aktuale.

Statistikat ekipore:

	Bashkimi	Drita
Çereku 1	24	22
Çereku 2	27	22
Çereku 3	20	20
Çereku 4	22	19
Kërcime	43	31
Asistime	24	19
Bllokada	-	3
Topa të vjedhur	6	1
Topa të humbur	5	9
Tentime për tre pikë	9/25	10/34
Tentime për dy pikë	26/58	23/42
Tentime nga gjuajtjet e lira	14/23	7/7

Statistikat individuale te Bashkimi:

1	Zeljko Jovanovic	28 pikë	5 asistime	3 kërcime
2	Rickey Young	15 pikë	9 kërcime	3 asistime
3	Darrell Lampley	15 pikë	4 kërcime	3 asistime
4	Aaron Mitchell	14 pikë	8 kërcime	8 asistime
5	Endrit Hysenagolli	14 pikë	9 kërcime
6	Qëndrim Biraj	7 pikë	6 kërcime	3 asistime

Statistikat individuale te Drita:

1	Shamar Coombs	31 pikë	5 kërcime	4 asistime
2	Jasonn Hannibal	18 pikë	16 pikë	2 asistime
3	Filip Toncinic	16 pikë	8 kërcime	4 asistime
4	Laurant Ibrahimi	15 pikë	1 kërcim	1 asistim
5	Besfort Fazliu	3 pikë	8 asistime	1 kërcim