Kastrioti mbijeton!

Kastrioti ka arritur të shënojë fitore të madhe sonte ndaj Besës në Ferizaj. Fitorja e ferizajasve është treguar jetike, pasi që tashmë ata janë shumë afër shpëtimit nga rënia dhe sigurimit të Play-Outit. 

Kastrioti ka mposhtur Besën me rezultat 109-96 që i ka dhënë atyre fitoren e pestë të stinorit, me ç‘rast kanë arritur teorikisht të dalin mbi Teleboysat - të cilët në ndeshjen e fundit ndeshen me Sigal Prishtinën. 

Kështu, nëse nuk ndodh ndonjë super befasi që RTV 21 të mposht Sigal Prishtinën, atëherë Kastrioti edhe me humbje në dy ndeshjet e saja të mbetura ndaj Pejës dhe Sigal Prishtinës, do të sigurojë një vend që u jep edhe një mundësi për të mbetur në ligë, pra Play-Out, që luhet ndaj ekipit të dytë të renditur në Ligën e Parë. E në këtë rast RTV 21 pas dy stinorëve të kaluar në Superligë, do të rrëzohet në nivelin më të ulët të garave të basketbollit senior. 

Trajneri i ferizajasve, amerikani Rickey George, është dukur tejet i lumtur pas fitores së sontme, që praktikisht i jep ekipit mundësi për mbijetesë.

Rezultatet dhe tabela aktuale.