Bashkimi siguron vendin e tretë

Bashkimi është ngritur në pozitën e tretë të radhitjes tabelare një javë pa përfunduar stinori i rregullt në Superligë dhe e ka siguruar këtë pozitë për Play Off duke e tejkaluar Trepçën, ndaj së cilës ka averazh më të mirë të pikëve në ndeshjet e ndërsjella.

Ekipi prizrenas këtë e arriti duke shënuar fitore si mysafir ndaj RTV 21-shit, të cilin e mposhti me rezultat 78-98.

Bashkimi e nisi lojën vrrullshëm me një seri prej 16-4, ndërsa çerekun e parë e përfundoi me rezultat 29-10.

Vendasit deri në përfundim të pjesës së parë e ngushtuan disavantazhin deri në 7 pikë, mirëpo me fillimin e çerekut të tretë ekipi i Edin Kërveshit e morri kontrollin e lojës dhe në fund fitoi me meritë.

Endrit Hysenagolli ishte koshashënuesi më i mirë te prizrenasit me 22 pikë të shënuara, kurse te Teleboysat amerikani Grant Maxey shënoi 26 pikë.

Në xhiron e ardhshme dhe të fundit që do të zhvillohet këtë fundjavë, Bashkimi e pret skuadrën e Dritës, derisa 21-shi do të përballet me rivalin lokal, Sigal Prishtinën.

Rezultatet dhe tabela aktuale.

RTV 21

BASHKIMI