Miller largohet nga Besa

Qendra amerikane, Nakiea Miller, nuk do të jetë më pjesë e skuadrës së Besës.

Ekipi pejan ka shkëputur kontratën me basketbollistin shtatëlartë, pasi skuadra edhe matematikisht i ka humbur gjasat për t’u kualifikuar në Play Off dhe kryesia e sheh të pa arsyeshme ta mbajë Millerin deri në fund të stinorit, thuhet në njoftimin e Besës.

Miller në Besë është transferuar në fillim të muajit mars dhe gjatë kësaj periudhe ka qenë njëri prej lojtarëve kryesorë në skuadër. Madje ai ishte shpallur edhe basketbollisti më i mirë i javës XX në Superligë, falë performancës së shkëlqyer në ndeshjen kundër Kastriotit.