Bayern përsëri lider, Ademi në befasi

Bayern Munchen i është kthyer kreut të Bundesligës me fitore të vështirë ndaj Hoffenheimit sot. Mario Mandzukic dhe Thomas Muller kanë anuluar vlerën e golit të Niklas Sules, që erdhi pas një gabimi të Manuel Neuerit. 

Me fitore prej 2-1, Bayern ka kaluar tash një pikë mbi Borussia Dortmundin që fitoi mbrëmë Stuttgartin 6-1. 

Mario Gotze sot ka marrë ‘amin’-in e Pep Guardiolas që të nis ndeshjen nga fillimi, derisa bashkë me Mario Mandzukicin dhe Thomas Mullerin kompletuan treshen ofanzive të ‘bavarezëve’. 

ORHAN ADEMI NË FITORE BEFASUESE

Derisa lidershipi i Bayernit u konfirmua 15 minuta para fundit të ndeshjes, një befasi i ndodhi Bayer Leverkusenit, që i largoi ‘aspirinët’ nga dyshja kryesuese. 

Ka qenë ekipi i fundit në tabelë, Eintracht Braunschweig që ka fituar 1-0 si vendas ndaj Bayer Leverkusenit sot, derisa golashënuesi i vetëm i takimit Dominick Kumbela është zëvendësuar nga shqiptari Orhan Ademi në minutën e 86-të të ndeshjes. 

Kjo ka qenë njëra ndër paraqitjet e rralla për shqiptarin, që kreu detyrën e tij me sukses në minutat e fundit të takimit, ku skuadra e tij shënoi fitoren e dytë në kampionat. 

Rezultatet dhe tabela aktuale.