Beluli me supergol sjell fitoren ndaj Dritës

Përforcimi i afatit kalimtar dimëror te Ferizaji, Maliq Beluli, përsëri është treguar vendimtar për skuadrën e drejtuar nga Argjend Beqiri.

FORMACIONET ZYRTARE

Ferizaji ka mposhtur Dritën me rezultat minimal 1-0, falë golit fantastik të Belulit të shënuar nga korneri, që befasoi portierin kapiten të Dritës, Artan Latifi.

TABELA AKTUALE E SUPERLIGËS

Latifi më pas mbrojti një penallti të Belulit, por ekipi i Dritës nuk arriti të kthehet në lojë me rezultat, pasi që prej minutës së 70 të takimit, luajtën me një lojtar më pak, kur Dren Gashi pësoi kartonin e dytë të verdhë.

Ferizaji shënoi fitore shumë të rëndësishme ndërsa Beluli thuajse i vetëm është shumë afër për ta nxjerrë skuadrën nga zona e rrezikshme e Superligës.

Drita në anën tjetër, do të duhet të kërkojë pikët në xhiron e radhës, pasi që pas disfatës në xhiron e shkuar në minutat e fundit edhe kësaj radhe ka pësuar minimalisht.