ARGJEND BEQIRI
Beqiri: Humbëm rastet për të shënuar më shumë
8 March, 2017 @18:22
Trajneri gostivaras i Ferizajit, Argjend Beqiri, është shprehur i kënaqur me fitoren e sotme ndaj Dritës, por që rezultati minimal nuk e ka kënaqur mjaftueshëm atë.
Beqiri, në deklaratën e tij pas ndeshjes tha se pavarësisht fitores, skuadra e tij duhet të përmirësohet në aspektin e konkretizimit të rasteve.
“Kjo ndeshje u vendos me një gol. Unë në deklaratat e mija pata thënë që kjo do të jetë ndeshje e vështirë. Kam respekt për ekipin e Dritës. Për ndryshe, kemi pasur raste për të shënuar më shumë, por nuk arritëm ta bëjmë këtë. Në të ardhmen duhet të përmirësohemi për të shënuar më shumë, pasi që për kundërshtarë do të kemi skuadra më të forta se Drita. I uroj lojtarët për angazhimin maksimal,” ka thënë Beqiri.
Më tej, ai foli edhe për ndeshjen e radhës, ku në fundjavë Ferizaji do të jetë mysafir i Llapit.
“Llapi është një ekip i fuqishëm dhe e ka dëshmuar këtë në kampionatin e sivjetëm. Besoj se ata kanë përparësi me kualitet, por ne do ta luajmë lojën tonë duke dhënë maksimumin dhe besoj se edhe me një pikë do të ishim të kënaqur nga kjo përballje,” përfundoi trajneri 42 vjeçar.
